Txikitatik zinemarekiko interes handia izan duen arren, enpresen administrazio eta zuzendaritzan lizentziatua da. Geroago, zinemarekin zerikusia zuen ikasketak burutu zituen eta bere ametsa lortu zuen, zine zuendaria izatea alegia. Gaur egun,  zuzendari eta gidoigile lanetan aritzen da Moriarti Produkzioak ekoiztetxean beste bost lagunekin batera.

Bere azken lanen artean 67. Donostiako Zinemaldian estreinatu zen La trinchera infinita (2019) filma aurkitzen da. Film honek Zuzendari Onenaren Zilarrezko Maskorra eta Gidoi Onenaren Epaimahaiaren Saria eskuratu zituen. Goya sarietan ere hamahiru izendapenetik bi sari jaso zituen.

Bere aurreko filma, Handia (2017), Zinemaldiaren 65. edizioko Epaimahaiaren Sari Berezia eta 10 Goya Sari (gidoi onenarena barne) irabazi zituen bere kidean den Jon Garañorekin batera. Honetaz gain, Oscar sarietarako aukeratu zuten, ingelesez besteko filmen atalean.

Eta lehiaketara begira oraindik gehiago prestatzen bazarete? Hemen duzue aukera paregabea. Euskal Zine Bileran, Donostiako ZInemaldian eta Goya sarietan saritutako zuzendari ospetsu batek formazio saio bat emango die 16.Kameratoian parte-hartzen duten guztiei.

Bertan Aitorrek bere bizipenak eta aholkuak emango dizkizue eta zuok baita ere zuon zalantzak argitzeko aukera izango duzue.