XVIII. edizioa beteko du 2021ean Laburbirak, helburu sendo batekin: sortzaileen lanak ezagutaraztea, euskaraz ekoizten jarraitu dezaten aukera zabalduz.
Horretarako apirilaren 26tik maiatzaren 30era bitartean aukeratutako film laburrak herriz-herri zeharkatuko dute Euskal Herriko eta kanpoko hainbat herri eta hiriburu.
Laburmetraien emanaldi bat antolatu nahi duzu zure herrian?
Laburbirak 18 urte beteko ditu Euskal Herriko eta Euskal Herritik kanpoko aretoak euskal filmeez betetzen. Edizio berri honetan ere, hasiberriak eta profesionalizaziorako bidean dauden zuzendarien lanak ahalik eta toki gehienetara heltzeko helburua dugu. Apirilaren 26tik maiatzaren 30era bitartean aukeratutako laburmetraien emanaldia antolatzeko aukera izango duzu.
Orain, kulturak inoiz baino hauspo handiena behar duenean. Orain, euskal zinemagileen harrobia inoiz baino handiagoa denean.
XVIII. Laburbira: aukeratutako 8 film laburrak
Jasotako film labur guztien artean 8 aukeratu dira beraien istorio eta kalitate nabarmenagatik eta jaialdietan izandako harreragatik. 2019tik hona zuzendari hasiberri eta amateurrak ekoitzitako lanak aurkezten dizkizuegu.
Hauetariko batzuk Zinebi eta Mendifilm Festival jaialdietan aurkeztutako lanak izan dira 2019-2020 bitartean eta beste batzuk laburmetraia lehiaketetan sariatuak izan direnak: HUHEZINEMA eta Kameratoia.
Apirilaren 26tik maiatzaren 30era bitartean ikusgai izango dituzue zenbait herritan.
Laburbira 2020: 9 film labur 32 herritan
Laburbiraren XVII. edizioan 9 filme aukeratu ziren, elkarren oso ezberdinak. Guztira ordubete baino gehiagoko proiekzio bat osatuz.
Harritzekoa bada ere eta pandemia egoera tarteko, Laburbira 32 herritan egon zen, Euskal Herria iparraldetik eta hegoaldera zeharkatuz eta mugetatik haratago ere joanez.
