Urte osoan zehar ari gara jasotzen sortzaileek bidalitako lanak, hirugarren urtez deialdi zabala egin dugulako film laburren zirkuiturako lanak jasotzeko. XVII.edizioa beteko du 2020an Laburbirak, helburu sendo batekin: sortzaileen lanak ezagutaraztea, euskaraz ekoizten jarraitu dezaten aukera emanez eta ikusleei geurean sortutako zineaz gozaraztea.
Hurrengo Laburbira 2020ko martxoaren 9tik eta apirilaren 8ra bitartean izango da. Iazko edizioan, besteak beste, New Yorken, Londonen eta Parisen ikusi zituzten Laburbirako filmak.
Lanak aurkezteko epea eta udalen eta elkarteen eskakizunak abenduaren 13an bukatzen dira.
Sortzaileentzako baldintzak
- 2017tik hona ekoiztutako fikziozko lanak izan behar dira.
- Gehienez 20 minutu irauten dituzten lanak aurkeztu ahal izango dira.
- Izen-emate fitxa bete behar da abenduaren 13a baino arinago.
- Aukeraketa egiterakoan zenbait irizpide izango dira kontuan:
-
- Publiko guztientzako lanak izan daitezela.
- Sortzaile berrien eta izen handikoen arteko oreka mantenduko da.
- Sortzaileen lurraldetasun eta generoa
- Genero ikuspegia
- Filmen bestelako ezaugarriak: euskalki aniztasuna, umorea, animazioa, lan esperimentalak, sentsibilizazioa lantzen dutenak…
Arazorik edo galderarik izanez gero jarri kontaktuan gurekin: johana@topagunea.eus
Elkarteentzako baldintzak
- Elkarte eta udalek aukeratu dezakete euren herrietan Laburbira 2020 antolatzea.
- Izen-emate fitxa bete behar dute abenduaren 13a baino arinago.
- Fitxategi honetan zehaztu beharko dituzte zein egunetan eta non egingo duten emanaldia.
- Kontuan izan aurten euskarriak digitalean bidaliko dizkizuegula, inprimatzeko kalitatean. Beharrezkoak diren kantitateak eskatu, ahal bezain beste errespeta dezagun ingurumena. Kopuru hau izen-emate fitxan zehaztu behar da.
- Gogoratu elkartearen ARDURA izango dela pantaila, proiektorea eta artxibo irakurgailua edo ordenagailua lortzea emanaldietarako.
Zirkuitu ibiltaria
- 2020ko urtarrilean aukeratuko dira euskarazko film laburren zirkuituan eskainiko diren lanak.
- Hurrengo Laburbira 2020ko martxoaren 9tik eta apirilaren 8ra bitartean izango da.
- Euskal Herri mailan eta atzerrian ere erakusteko aukera izango dugu. Iazko edizioan adibidez beste, New Yorken, Londresen eta Parisen ikusi zituzten Laburbirako filmak.
- Aurtengo Irudienean egongo diren film laburrak ez dira berriz aurkeztu beharko, zuzenean Laburbirarako aukeraketa fasean sartuko direlako
- 15.Kameratoiko lana zuzenean sartuko da Laburbira 2020ko edizio honen zirkuituan.