Urte osoan zehar herriz-herri euskaraz egiten diren laburmetrai lehiaketatan (24 ordu edo gutxiago edo 24-48 ordutan egiten diren ikus-entzunezko rallyak) finalista geratu direnen finala da DemaSA.

Durangoko Azokako Irudienea gunean ospatzen da lehiaketa eta bertan aukeratzen da urteko laburmetrairik onena Horretaz gain, DemaSA topaleku ere bada zuzendarien artean elkar ezagutu, esperientziak partekatu eta harreman berriak sortzeko.

NOIZ: Abenduaren 8an, arratsaldeko 17tan
NON: Durangoko Azokako Irudienea gunean.

ZURE LANA SARITUA IZAN DA? AURKEZTU EZAZU

2023ko urtarrilaren 1etik abenduaren 7ra bitartean ikus-entzunezko rallyren batetan parte hartu izan baduzu eta 1. edota 2. saria irabazi baduzu, aurkeztu zure lana Durangoko Azokako Irudienean ospatzen den lehiaketara!

Lanak aurkezteko azken eguna: 2023ko abenduaren 7a

BI EPAIMAHAIKIDE

Nagore Muriel Letamendia (Villabona, Gipuzkoa, 2000) Ikus-entzunezko Komunikaziokoan lizentziatua da. Gazte irratian lanean aritu ondoren, Bilboko Begira ekoiztetxean aritzen da editore, ekoizle eta community manager gisa, besteak beste. Bere azken lanak, Erro bi (2022) film laburrak uzta oparoa lortu du, alde batetik, lehen aldiz Nest Donostia Zinemaldian euskaraz proiektatutako lehen euskarazko proiektua izan da eta bestetik, Lekeitioko 46. Euskal Zine Bileran jaialdiak Gazte22 saria jaso zuen lanak. Ikusi HEMEN elkarrizketa

Nagore Portugal Otermin (Pasaia Antxo, 1986) Zinemazale amorratua, betidanik izan du zinemarekin lotura profesionala eta emozionala. Tabakalerako proiekzionista buru eta jaialdi askotako teknika saileko parte da (SSIFF, Seminci, SEFF, BIFFF, Las Palmas, Punto de vista…). Errenteriako Ozzinema zineklubeko kide ere bada, eta  BIFFF, Ikuska eta Errenteriako GGHH jaialdietako laburmetrai saileko hautaketa batzorde. Zinema benetan maite eta gozatzen du.

SARIAK

DemaSA lehiaketak sari nagusia eta publikoaren saria izango ditu.

1.SARIA – 600 euro  
PUBLIKOAREN SARIA – 100 euroko balioa duen produktua

Epaimahaia ikus-entzunezko sektorean aktibo dauden profesionalek osatuko dute eta abenduaren 8ko ekitaldian bertan zuzenean emango dute aurtengo irabazlearen berri.